Datblygu gwres a phwer cynaliadwy, sy’n llosgi biomàs o goedlan cylchdro byr yng Nghymru
 
     

Helyg i Gymru – Willow for Wales – nodau ac amcanion

Ariennir y prosiect gan brosiect blaenoriaeth/mesur 2.5 Amcan 1 Cronfa Ddatblygu Rhanbarthol Ewrop (ERDF) drwy Swyddfa Cyllid Ewropeaidd Cymru ar ran Llywodraeth Cynulliad Cymru, gan Awdurdod Datblygu Cymru a chan Ddiwydiant. Fe’i gydlynir gan IGER ac mae hefyd yn cynnwys Prifysgol Caerdydd, y Comisiwn Coedwigaeth, ac EGNI, Asiantaeth Ynni Canolbarth Cymru, RWE npower, Renewable Energy Ltd, SW Seed Ltd ac Agrobransle.

Y nod yw gwerthuso a dangos potensial helyg coedlan cylchdro byr fel cnwd biomàs yng Nghymru. Mae’r consortiwm yn cynrychioli diddordebau a gwybodaeth am y cnwd a’i farchnata i mewn i systemau cynhyrchu ynni. Agwedd bwysig ar y prosiect yw ei fod yn cynnwys ffermwyr fel partneriaid wrth sefydlu safleoedd profi cnydau ac fel cynhyrchwyr masnachol posibl. Ni fydd tyfu helyg ar gyfer ynni yn efffeithio’r Taliad Sengl.

Prif nodau’r prosiect yw:

  • Dangos systemau tyfu sy’n addas ar gyfer cynhyrchu, cynaeafu a storio/cludo helyg yn fasnachol ar raddfa fferm fasnachol.
  • Asesu’r cynnyrch potensial ar ystod o safleoedd ar dir glas wedi’i wella neu dir âr yng Nghymru.
  • Gwerthuso effaith economaidd tyfu’r cnwd ar fusnesau fferm unigol.
  • Gwerthuso effaith y cnwd ar y dirwedd a bioamrywiaeth amgylcheddol.
  • Darparu fforwm ar gyfer cyfathrebu rhwng cynhyrchwyr a defnyddwyr y cnwd ar gyfer cynhyrchu ynni.
  • Sicrhau bod gwybodaeth am y cnwd a chanlyniadau’r safleoedd gwerthuso ar gael i ffermwyr yng Nghymru drwy adroddiadau cyhoeddedig a chyfarfodydd a thrafodaethau yn y safleoedd.

I weld cyflwyniad gweledol ar y prosiect a’i amcanion, cliciwch Prosiect 2007.